مصر يا حرة

مصر يا حرة
(عامية مصرية)
يا صباح الخير بلادي
في الجبال و كل وادي

قاهرة و اسكندرية
و السويس لما تنادي

*******
مصر يا حرة و أبية
يا صبية و يا عفية

جم ولادك دقوا بابك
جاي يضحي بروح رضية

*******
كنا بنقول دا الصغير
لأ دا واعي جاي يغير

راح على التحرير يقولها
لأ لظالم لا لمزور

*******
الشباب الأسمراني
قال دي أرضي و دا زماني

جاي أزرع في بلادي
و اجني زرعي الأخضراني

*******
المرض جهل و بطالة
محسوبية و العمالة

كل دا و الحلم عايش
و الأماني مش محالة

*******
قوم يا شعب و صون حقوقك
صرخة الحرية طوقك

كمِّل المشوار و واصل
فِكْرك الواعي شروقك

*******
قولها كلمة و بكرامة
دم اخوك علِّم علامة

انتصر له طفِّي ناره
قول يا ماضي بالسلامة

*******
اوعى لا يخونك حصانك
بالأصول حقق قرارك

الرئيس لو كان هيرحل
برده حارب يوم و صانك

*******
الوفاء و العفو شيمتك
دا انت مصري من شهامتك

كلنا بيصيب و يخطأ
بس مش ترجع لصمتك

*******
لو ركبت الموجة آسف
بس كنت جبان و خايف

بس مصري لي حلمي
كنت غايب بس شايف