حوار بين اثنين سمعهم ثقيل

اثنين مصريين سمعهم ثقيل جدا وقفين على محطة الاتوبيس ودار بينهم الحوار التالى
الاول \ الاتوبيس ده بيروح مصر الجديدة ؟
الثانى \ على الحدية ...... ليه انت طالب احسان؟
الاول \ بذرة الكتان !!!لا.....دى تلاقيها عند العطار
الثانى \ جزار!!! اه قول لى كده عايز تشترى لحمة
الاول \ معك حق .... الدنيا زحمة...علشان ده معاد خروخ الموظفين
الثانى \ نور الدين!!!لا والله....ما اعرفهوش
الاول \ ما يتشربوش ليه كفا الله الشر
الثانى \ راس البر !!! ده مصيف هادى
الاول \ عايز تركب للمعادى دى منطقة جميلة
الثانى \ بليلة!!! انت شكلك جعان
الاول \ عيان !!! اى والله انت باين عليك عيان طيب ما تروح للدكتور
الثانى \ الحنطور!!!ده احسن من الاتوبيس وبيوصلنى لحد باب البيت
الاول \ هباب !!!وانا الكنت فكرك محترم
الثانى\ اتخرم!!! هو مين ؟؟
الاول \ عاوز اسبرين!!! ليه انت عندك صداع
الثانى \ قراع!!!يا نهار اسود ده مرض خطير
الاول \ فطير !!! لا والله مش عايز . وبعدين مش بحب الفطير ثقيل على المعدة وثمنه غالى
الثانى \ خالى !!!انت تعرف خالى !!! ده رجل كبير فى السن
الاول \ الجن !!! نهارك مش فايت .....انت عليك عفريت !؟
الثانى \ لا والله ممعاييش انت عايز ليه الكبريت؟ عايز تولع ؟
الاول \ ادلع !!! ادلع عليك انت !؟انت ما تملاش عنيا
الثانى \ يقبضوا عليا !!!ليه!؟
الاول \ انت غريب يا راجل شكلك شحات روح اشتغل شغلة تاكل منها عيش
الثانى \ خيش!!!ده والله صوف انجليزى
الاول \ بنت زيزى!!! ربنا يخلى ..........
الثانى \ انتاج محلى!!! ده مستورد
يمر شاويش من بتوعنا ...يلفت انتباه الحوار بتعمل ايه يا جدع منك له!!!
الاثنين \ ايوه يا شاويش احنا مستنين الاتوبيس
الشاويش \ جواسيس !!! نهاركم مش فايت قدامى على الاسم بسرعة
هههههههههههههههههههههه
ههههههههههههههه
هههههههه

ان شاء الله تكونوا استمتعتم
وارجو التقييم

هههههههههههههههههههههه بجد بجد يا هند تحفه

ههههههههههههههههههههههههههههه
مرسيي على الموضوع يموت من الضحك

شكرا لكم كتييييييييييييييييير
على الردود

هههههههههههههههههههههههه